Inauteriei hasiera ederra eman diegu Zubimusun. Ostegun Gizenean Villabonako ikasleak herriko plazan elkartu eta dantzan aritu ziren. Negua gaiari jarraiki, elur panpinak, eskiatzaileak, elur malutak eta pijama mozorrodunak jai giroan murgildu ziren eta emanaldi bikaina eskaini ziguten. Zizurkilgo ikasleek jaiari nahi bezala mozorrotuta hasiera eman zioten eta ilusioz nahiz pozez beteriko eguna igaro zuten.
Ostiral Mehe egunean, Zizurkildarrei urpekariz mozorrotu eta herriko plazan dantza egitea egokitu zaie eta bertan, giro alaia eta bizia sumatu da. Villabonako ikasleak berriz, etxetik nahi izan duten bezala mozorrotuta etorri dira eta egunari amaiera emateko, inauterietako desfile polit bat antolatu dute.
Ondo pasa eta gozatu. GORA INAUTERIAK!!
