Lehen Hezkuntzan hasitako ibilbideari jarraipena ematen diogu DBHn. Funtsezko etapa dugu ikaslearen garapen orekatuan eta ikasleak bere gaitasunak modu orekatuan garatu ditzan sustatzen dugu.
Bigarren Hezkuntzan ikaslea bere ibilbidean aukerak egiten hasiko da eta etapa honen helburua bada ikaslea ondorengo ikasketak egiteko eta lan mundurako prestatzea. Ibilbide honetan Orientazio Departamentuaren laguntza eta aholkularitza dugu.
Etapa honetan konpetentzietan oinarrituta lan egiten jarraitzen dugu. Ikasleak eguneroko bizitzan aurkitzen dituzten egoerei arrakastaz aurre egiteko gai izatea bilatzen dugu. Horretarako, arloetako ezagutzak eskuratzeaz gain, ikasitako ezagutzak arazo-egoera berrietan erabiltzea eta transferitzea bilatzen dugu.
Arlo gehienetan EKI proiektua erabiltzen dugu. Ikasleek IKTen konpetentzietan eta ezagutzan sakon dezaten, lehen mailatan paperezko eta eredu digitala uztartzen ditugu. Azken mailatan, berriz, EKI proiektu digitala da lan tresna nagusia. Horrela, eguneroko jardunerako ikasleek ordenagailuak baliatzen dituzte lan tresna nagusi bezala.
