Haur Hezkuntzako haurrak jolasean, euskaratik eta euskaraz

Haur Hezkuntzako 4 eta 5 urteko haurren jolas dinamizazioak Hezten Aisialdi Euskaltzalearen eskutik.

Urrian hasitako Juana Joxepa Tronpeta programak martxan jarraitzen du. HHko 4 eta 5 urteko haurrek jolasaren bitartez, euskararen erabilera lantzeko eta bultzatzeko aukera dute, baita jolas berriak euskaraz ikasteko ere. Horretarako, astean behin Hezten Aisialdi Euskaltzalearen hezitzaile bat gurera etortzen da eta kanpo espazioko jolasak dinamizatzen ditu, beti ere euskaratik eta euskaraz.