Errigorako produktuak erabiltzen ditugun jangelok eta Errigorako produktu ekoizleak ekitaldia egin berri dugu egitasmoaren berri emateko.
ERRIGORA udazkenean eta udaberrian egiten diren kanpainatan plazaratzen da nagusiki eta momentu bi horietan helarazten ditu Euskal Herriko etxe eta despentsatara Nafarroa erdi eta hegoaldeko nekazal produktuak. Elikadura burujabetza, euskara eta auzolana sustatzea helburu beti ere.ZUBIMUSU Ikastola ere egitasmo honen parte da eta gure jangeletan Errigorako arroza, olioa, piperrak… eskaintzen ditugu. Dagoeneko 7 ekoizle eta 20 jantoki ari gara elkarlanean.
Urtean behingo kanpainez gain, jantokien dinamikan harreman iraunkor eta egituratuak sortzen ari gara euskal lurraldeen artean, bertako produktuen ekoizpena sustatzen ari gara modu planifikatuan, euskara sustatzen ari gara ekoizleen artean eta kontsumo ohituretan (Errigora Balioak berme ziurtagiria dute jantokietarako produktu guztiek) eta taldean arituz bai ekoizleen aldean eta bai jantokien aldean eta denak aldi berean auzolana elikatzen eta asmatzen ari gara.Errigora gehiago ezagutu nahi duzu? Begiratu ondoko bideoak:
Jantokien spota: https://www.youtube.com/watch?
Jantokien azalpen bideoa: https://www.youtube.com/watch?
