Euskara Batua omentzeko giza katea

MARTXOAREN 24an, bihar, ostirala, Orereta ikastolak sustatuta, Ikastolak Herriari 5 jaiak eta Euskaltzaindiak giza kate bat antolatu dute euskara batua omentzeko.

Giza kateak Orereta-Errenteria eta Donostia batuko ditu eta Gipuzkoako ikastoletako 8.000 lagunek osatuko dute.

Ekimen honetan parte hartzera gonbidatu nahi dizuegu. Horretarako, 11:00etatik 11.30era Behobia-Donostia Maratoiak egiten duen ibilbide berean, Orereta-Errenteria eta Donostia bitartean aurkituko duzuen giza katean sartzea besterik ez duzue.