ZUBIMUSU Ikastolan, Lehen Hezkuntzan, arloetako jakintzak lantzeaz haratago, jakintza horiek bizitzako esparru eta egoera guztietan eraginkortasunez aplikatzeko egoerak planteatzen zaizkie ikasleei, konpetentzien garapenean oinarrituz.
Metodologia aktiboek presentzia dute etapa honetan, hala nola, metodologia kooperatiboa eta proiektuetan oinarritutakoa.
Etaparen lehen urteetan irakaste espliziturako denborak eskaintzeaz gain, mikroespazioetan eta zirkulazio librean aritzeko tarteak izaten dituzte ikasleek.
Etapan gora, Ikastolen Elkarteak sorturiko EKI proiektua lantzen dugu. Euskal curriculumean, konpetentzietan eta integrazioaren pedagogian oinarritutako proiektua da. Jakintzak eskuratzeaz gain, landutako jakintza hauek bizitzako egoera anitz eta errealetan erabiltzen dira.
Konpetentzia digitala ia ikas arlo guztietatik bideratzen dugu. IKTak ikas arlo gehienetan txertatuta ditugu.
ZUBIMUSU Ikastolaren inguruan gehiago jakin nahi duzu? Zatoz gu ezagutzera. Hartu zure hitzordua bisita gidatua egiteko: 943 692321
