Leitzaranera bizikletaz

Atzokoan, Ingurumenaren Munduko Egunarekin bat eginez, DBH3ko ikasleak Ikastolatik Leitzaranera bizikletaz joan ziren Heziketa Fisikoko txirrindularitza saioei bukaera ezin hobea emanez. Eguraldia lagun, bakoitzak bere gaitasunen arabera, ibilbide luzeagoa edo laburragoa egin zuen Leitzarango bailarak eskaintzen dituen ingurune naturaletan barrena. Bide batez, bereziki eskertu nahiko genuke ikasleen jarrera arduratsua, baita  ikastolako gurasoen eta Villabonako udaltzaingoaren partaidetza ere, ibilbidea  segurtasunez burutu ahal izateko ezinbestekoa izan baitzen beraien laguntza.