LH 4 Beizaman

Aste honetan, LH 4. mailako ikasleek bi eguneko irteera egin zuten Beizamako aterpetxera. Goizeko eguraldiak asko lagundu ez zien arren, joku kooperatiboetan eta ogia egiten ibili ziren. Arratsaldean bertako txikiparkeaz gozatu eta San Lorenzo ermita ezagutzeko aukera ere izan zuten. Afaldu ostean, pijama jantzi eta dantzan ibili ziren diskofestan. Gustora lo egin ondoren, gosaldu eta bertako animaliak eta baratza ezagutu zituzten. Bi egunetako esperientziari amaiera emateko, bazkaldu, ogiak jaso eta poz-pozik itzuli ziren gure ikasleak.