ZUBIMUSU Ikastolan ere beste urte batez eskainiko dugu Ikastolen Elkarteko Aisiola hezitzaile eskolak antolatzen duen aisialdirako hezitzaile ikastaroa eta datorren astelehenean, azaroaren 7an egingo dugu horren inguruko aurkezpena 16.30ean, Txermingo (HH eta LH eraikina) jangelan.
Ikastaro honen bitartez, aisialdiko esparruan jarduteko trebetasun aberasgarriak lortzen dira, horien artean, talde dinamikak, ikasleen arteko elkarrekintzak, naturako baliabideen erabilerak...
310 orduko (150 teoriko eta 160 praktiko) iraupena duen ikastaroa da eta bi ikasturtetan zehar egiten da, hau da, 2023ko urtarrilean hasi eta 2024ko maiatzean bukatuko dugu.
Ikastaroa amaitzean, ikasleek, Eusko Jaurlaritzako Haur eta gazteen aisialdirako begiraleen diploma eta Lanbideko Haurren eta gazteen aisialdiko jardueren dinamizazioa lortzen dute.
Matrikulazio epea azaroaren 18rarte dago irekita eta urtarrilean hasiko dira eskolak. Izena emateko: https://zirimola.eus/node/add/aisiola-matrikula
Informazio gehiago HEMEN
Nahi duenak aisiola@ikastola.eus helbidera idatzi edo 943 445108 telefono zenbakira dei dezake zalantzak argitzeko.
Animatu ikastaroan parte hartzera! Ez zara damutuko!
