AZALPENA

Maila ezberdinetako ikasleak bikoteka elkartu eta irakurketa saio bereziak antolatzean datza.

HELBURUAK

• Irakurzaletasuna bultzatzea.
• Maila ezberdinetako ikasleen arteko komunikazioa bultzatzea.
• kasleen arteko laguntzan oinarritutako hezkuntza erraztea.
• Ikasle nagusien autoestimua garatzea, ikasleen bilakaera baloratuz.
• Irakurlagunari laguntza emateko konpromisoa eta ardura hartzea.
• Irakurlagunari idatzizko testuen aurrean interesa piztea.
• Aurreneko mailako ikasleen irakurketan aurrerapausoak ematea.
•  Ikasleen ezaugarriak kontuan izanik, begirunean heztea.
•  Irakurketa eta idazketaren irakaskuntzan gozatzea.

METODOLOGIA

Taldeak honela antolatzen dira:

• LH6-LH3
• LH5-LH2
• LH4-LH 1

-IRAKURLAGUNTZAILEA eta IRAKURLAGUN BESOETAKOen arteko bikoteak egin.

-IRAKURLAGUN KONTRATUA osatu.

-Kasu batzuetan liburuak tutoreak aholkatzen ditu eta beste batzuetan irakurle berak.

-Leku eta espazio aproposak bilatuko dira irakurketa saioak erosoak izan daitezen: liburutegia, psikomotrizitate gela, jolastokia, parkeak, zelaiak…

-Lehenengo saioan nork bere burua aurkezten du: izena, maila, bizilekua, zaletasunak, eskolaz kanpoko ekintzak…

-Irakurketa saioa egin.

-Irakurketa saioetan aholku hauek ematen zaizkio irakurtzaileari:

• Arreta handiz irakurri.
• Poliki-poliki irakurri.
• Ongi ahoskatu.
• Doinua, soinuak eta keinuak “antzeztu”.
• Marrazkiak erakutsi.
•  Irakurlagunari noizbehinka ia ongi ulertzen duen galdetu.
•  Bukaeran, zer gustatu zaion gehien eta gutxien galdetu.

-Eta aholku hauek irakurlagun besoetakoari;

• Irakurlaguntzaileari kasu egitea.
• Irakurketa une preziatu horretaz disfrutatzea.