Berriak

2020.03.03

Errigorak udaberriaren atarian egiten duen olio eta kontserben kanpaina martxan dago jada, Nafarroa hegoaldeko euskalgintza, ikastolak eta bertako nekazariak babesteko Errigorak egiten duen kanpaina alegia. Hala, martxoaren 12ra arte Nafarroa hegoaldeko oliba-olio birjina estra eta kontserba-loteak eskatzeko aukera dago. Ohiko eskaera ildoari jarraituz, produktu guztien eskaera data berdina izango da, baina banaketa bi zatitan egingo da: olioa apirilean eta kontserba-loteak maiatzean. Aurten ere, produktu guztietan dago produktu konbentzionala edo ekologikoa eskatzeko aukera. Eskaera egin ahal izateko hainbat modu dituzue: Eskaera orria beteta edo ikastolako idazkaritzara deituta edo mezu bat bidalita.

2020.03.01

Zubimusu Ikastolako emakumeek Kilometroak jaiaren izenean parte hartu dute aurtengo Lilaton lasterketa. Horrez gain, "Zure irrifarra, nire indarra" egitasmoarekin bat egin dute, parekidetasuna, inklusioa, elkartasuna, kirola eta boluntariotza balioan jarriz. Ikusi argazkiak hemen.

2020.02.27

Datorren martxoaren 1ean Lilatoia izango da Donostian. Zubimusu ikastolak Kilometroak 20ren izenean hartuko du parte, talde gisa. Horrez gain, “Zure irrifarra, nire indarra” ekimenarekin ere bat egin du. Urritasun funtzionala duten haurrei laguntzean datza, lasterketetan parte har dezaten. Zubimusuko boluntarioek gure ikastolako ikasle ohia den Naiara Rodríguezi lagunduko diote Lilatoia egiten. JARRAITU IRAKURTZEN

2020.02.21

Inauterietan murgildu dira Zubimusuko ikasleak eta irakasleak ere, eta sorgimez eta lamiz mozorrotu dira. Ikusi argazki galeria multimedia atalean!

2020.02.19

Zubimusuko jangela kudeatzen duen Mahi-Mahi enpresak ostegunetarako antolatzen dituen ekintzen barruan, gurasoei zuzendutako bat antolatu du martxoaren 5erako, osteguna: Familiekin bazkalduz ekintza, zehazki. Hala, familiei gonbidapena luzatzen zaie ostegun horretan Mahi-Mahi jantokira bazkaltzera etorri eta ikasleekin nahastuta bazkaltzeko. Haurrek egiten duten moduan, esperientzia guztia zuzenean eta lehen pertsonan bizitzeko aukera izango dute hala nahi duten gurasoek. JARRAITU IRAKURTZEN

2020.02.12

Aizkardi mendizale elkarteko Ttonttorrez Ttonttor sailak antolatuta Leitzako Urepelera irteera egongo da igandean, otsailak 16. Amasa-Villabonako Olaederra kiroldegian elkartuko dira, 09:00etan, eta kotxeetan egingo dute Leitzara arteko bidea. Egun erdiko irteera izango da. Gogoratu irteeran parte hartu nahi duten umeek guraso edo arduradun batekin joan beharko dutela.

2020.02.11

Lehen Hezkuntzako 6. mailako ikasleek Ioritz Elgorriaga ikasle ohiaren bisita izan dute gorputz hezkuntzako saioan. Malabareak lantzen ari dira eta malabaretan, zehazki, "deabru makilekin" oso abila da Ioritz. Erakustaldi bat egin zuen ikasleen aurrean, eta horiek nola erabili behar diren noiz eta non ikasi zuen ere kontatu zien. Ikasleak oso gustura ibili ziren eta asko eskrtu zuten Ioritzen bisita.

2020.02.05

Atzo luxuzko bisita izan genuen ikastolan, JOXE MARI IPARRAGIRRE artista euskaldunaren oinordekoarena. Urretxuarraren hereniloba den Enrique Iparragirrek haren bizitzaren pasadizoak, abenturak eta bestelako anekdota ugari kontatu zizkien DBH 4ko ikasleoi. Poetaren jaiotzaren 200. urteurrena ospatzen den honetan, aukera izan dugu era intimistago batean ezagutzeko. Ekintza honek, Euskal Literatura arloan lantzen ari garen euskal poesiagintza borobiltzeko balio izan digu, izan ere, Elizanburu eta Bilintx poetekin batera, Iparragirreren obra aztertu baitugu. Bejondeizula!

 

Orriak