Berriak

2020.12.05

Zubimusu Ikastolak bat egin du Amasa-Villabonako Elkartasun Sareak antolatu duen jostailu bilketarekin eta Zizurkilgo Udalak egingo duen jostailu trukearekin. Hala, asteazkenetik aurrera, abenduak 9, eta abenduaren 11ra bitartean, jostailuak jasoko dira ikastolan. Zentroko eraikinean, Txermin eraikinean zein Zizurkilgo eraikinean utzi ahalko dira jostailuak. Abenduaren 12an, larunbata, 10:00etatik 13:00etara Errebote plazan Zubimusuk jarriko duen gunean ere utzi ahalko dira jostailuak. Jarraitu irakurtzen.

2020.12.03

Argitxoren bisita jaso dute txikienek, eta gogoz ospatu dute haren urtebetetze eguna. Jolasak, kantuak eta dantzak izan ditugu gaur, ikasgelatik kanpo ere sustatzen baitugu euskara eta euskal kultura, ikastolan, kalean eta herrian. Ikasle konprometituak eta kritiko eraikitzaileak heztea dugu helburu, eta Euskaraldiaren olatuan ikasle helduenek ere euskaraz bizitzen jarraitzeko konpromisoa adierazi dute gaur. Ikusi argazkiak.

2020.12.02

Ikastolen aldeko elkartasun adierazpen txartela da TANTA, eta irabazleen jarrerari esker erabateko zentzua hartu du egitasmoak aurten. Izan ere, 60.000 euroko saria irabazi duen bikoteak beraiek guraso diren Armentia Ikastolari eman diote sariaren zati bat. Zubimusu Ikastolak banatzeko zituen txarteletako bat izan da irabazlea, baina sariduna agertu ez denez ordezko txartel izendatuaren erosleek eskuratu dute saria. Izugarri gustatuko litzaiguke saria Zubimusuk saldutako txartelaren jabeari eman ahal izatea, baina baina beste horrenbeste estimatzen dugu Irantzuk eta Hibaik izan duten jarrera eta Armentia Ikastolari, eta ikastola guztiei, egin dieten aitortza. Hori baita ikastola baten muina, elkarlanean, elkarrekin aritzea! Zorionak bikote sariagatik, eta bereziki, izan duzuen jarreragatik! Eredu zarete! Irakurri albiste osoa.

 

2020.11.30

Euskaraldiaren helburu nagusia herritarren hizkuntza ohiturak aldatuta euskararen erabilera handitzea denez, Amasa eta Villabonako hainbat txokotan izan gara herritarrei gogorarazteko Euskaraldia hemen dela. Bideoko abestiak dion moduan, "sentitu, pentsatu, ekin… euskaraz!". Ikusi bideoa.

2020.11.19

Udazkeneko eguzki izpi goxoek barne espazioan maiz erabili ditugun blokeei ezaugarri berriak topatzen lagundu digute. Ikusi argazkiak.

2020.11.18

Jai bakoitzak bere erara amaitu du urte osoko ibilbidea, eta hainbat ekitaldi egin dituzte bai kultura arlokoak baita hezkuntza gaien ingurukoak ere, baina herri mailako ekitaldiak izan dira, ez dira orain arteko jai handi horiek izan. Bost jaiek argi zuten, halere, ezin ziotela urteari zapore mingotsarekin amaiera eman, eta ekitaldi nazional bat egitea erabaki zuten guztien artean, Ikastolak Herriari ekitaldia. Jarraitu irakurtzen.

2020.11.18

Covid 19-aren eraginak gutxitze aldera Zubimusu Ikastolan landu eta garatu ditugun protokoloen artean ikasleekin aire libreko irteerak egingo ditugu. Hala, hilabetean behin eta ostiralez, LH-ko maila guztietako ikasleekin gure inguruko parke edo gune berde batera goiz pasako irteerak eta ibilbideak egiten hasi gara. Irteera zein ostiraletan izango den aurrez jakinaraziko da, eguraldiaren arabera, eta ikasle bakoitzak arropa egokia eta hamaiketakoa eramateko motxila ekarri beharko ditu egun horretan. Ikusi hilabete honetan egindako irteerako argazkiak.

2020.11.10

Zubimusu Ikastolak bat egin du Euskaraldiaren bigarren saiorekin, eta hala, Belarriprest edo Ahobizi roletatik aritzeko izena eman ahal izateko mahaia jarriko da ostiralean Txerminen, 17:00etatik 18:00etara. Euskaraldian parte hartu ahal izateko izen emate orriak izango ditugu bertan, eta baita Belarriprest eta Ahobizi txapak ere. Nahi dutenek Euskaraldiko banderolak erosteko aukera ere izango dute, 5 euro ordainduta. Egin dezagun euskara gehiago, gehiagorekin eta gehiagotan! Animatu eta eman izen Euskaraldian!

Orriak