Berriak

2021.02.14

Gazteak zientzia eta teknologia gaietara gerturatzeko Bizilabe proiektuan parte hartu du Zubimusu Ikastolak. DBHko 3. eta 4. mailako eskualdeko 7 ikastetxetako 574 gaztek parte hartu dute STEAM gaiekiko perzepzioari buruzko galdetegian, eta hortik sortu da Bizilabe asialdi eskaintza. Jarraitu irakurtzen.

2021.01.27
Mahi-Mahi-ko lagunek opari zoragarria egin digute, eta Elkar argitaletxearekin batera "Marimatrakak" ipuin bilduma ezagutu ahal izan dute LH2ko ikasleek. Ana Jaka albumaren sortzailea gurean izan da, eta liburuek duten magiaz eta ematen dizkiguten onurez gozatzeaz gain, liburu bat sortzearen atzean dagoen arakatu ahal izan dute ikasleek. Ikasitakoa praktikan jarriz, liburu bat sortzeko aukera izan dute eta horretan jardun dute egun hauetan. Izugarrizko interesa azaldu dute ikasleek, eta buru belarri jardun dute beraien liburua sortzen.
2021.01.04
Haur Hezkuntzarako aurrematrikula egiteko epea urtarrilaren 18tik 29ra izango da aurten. Urtero bezala, ate irekien jardunaldiak egingo ditugu Zubimusun, ikastola, 2Zia proiektu pedagogikoa eta gure zerbitzuak ezagutu nahi dituzten gurasoentzat. Indarrean dauden segurtasun eta higiene arauak jarraituz egingo dira ate irekien jardunaldiak. Ezagutu datak eta eman izena!
2020.12.17

Ikazkinen bisita izan dugu gaur ikastolan, eta larunbatean Villabonan egingo den Olentzaroren Basoa ezagutzera joateko gonbita egin diete ikasleei. Eskutitz bana ere banatu diete ikazkinek, Olentzaroren Basora joan ahal dutenek eskutitza eramateko. Ezin dutenek, Villabonan jarrita dauden postontzietan utzi ditzakete eskutitzak. Jarraitu irakurtzen.

2020.12.16

Salvamento Marítimo Humanitario elkarteko Iñigo Gutierrez Zubimusun izan da, DHBko ikasleekin. Elkarteko lehendakari ordea da, eta Aita Mari misioan zein Chios-eko lehorreratzean parte hartutako da. SMH-k garapenerako lankidetza eta laguntza humanitarioa ditu oinarri, eta giza eskubideen karta itsasoan laguntza behar dutenengana ere iristea dute helburu. Bere bizipen pertsonalak zein elkartean egiten duten lanaz hitz egin die ikasleek. Jarraitu irakurtzen.

2020.12.05

Zubimusu Ikastolak bat egin du Amasa-Villabonako Elkartasun Sareak antolatu duen jostailu bilketarekin eta Zizurkilgo Udalak egingo duen jostailu trukearekin. Hala, asteazkenetik aurrera, abenduak 9, eta abenduaren 11ra bitartean, jostailuak jasoko dira ikastolan. Zentroko eraikinean, Txermin eraikinean zein Zizurkilgo eraikinean utzi ahalko dira jostailuak. Abenduaren 12an, larunbata, 10:00etatik 13:00etara Errebote plazan Zubimusuk jarriko duen gunean ere utzi ahalko dira jostailuak. Jarraitu irakurtzen.

2020.12.03

Argitxoren bisita jaso dute txikienek, eta gogoz ospatu dute haren urtebetetze eguna. Jolasak, kantuak eta dantzak izan ditugu gaur, ikasgelatik kanpo ere sustatzen baitugu euskara eta euskal kultura, ikastolan, kalean eta herrian. Ikasle konprometituak eta kritiko eraikitzaileak heztea dugu helburu, eta Euskaraldiaren olatuan ikasle helduenek ere euskaraz bizitzen jarraitzeko konpromisoa adierazi dute gaur. Ikusi argazkiak.

2020.12.02

Ikastolen aldeko elkartasun adierazpen txartela da TANTA, eta irabazleen jarrerari esker erabateko zentzua hartu du egitasmoak aurten. Izan ere, 60.000 euroko saria irabazi duen bikoteak beraiek guraso diren Armentia Ikastolari eman diote sariaren zati bat. Zubimusu Ikastolak banatzeko zituen txarteletako bat izan da irabazlea, baina sariduna agertu ez denez ordezko txartel izendatuaren erosleek eskuratu dute saria. Izugarri gustatuko litzaiguke saria Zubimusuk saldutako txartelaren jabeari eman ahal izatea, baina baina beste horrenbeste estimatzen dugu Irantzuk eta Hibaik izan duten jarrera eta Armentia Ikastolari, eta ikastola guztiei, egin dieten aitortza. Hori baita ikastola baten muina, elkarlanean, elkarrekin aritzea! Zorionak bikote sariagatik, eta bereziki, izan duzuen jarreragatik! Eredu zarete! Irakurri albiste osoa.

 

Orriak