Berriak

2021.05.20

Tolosaldeko Eskola Agenda 2030 proiektuan parte hartu dute aurten ere Zubimusuko ikasleek, eta ikasturtean zehar landutakoa Amasa-Villabonako Udal ordezkariekin partekatu dute. Jarraitu irakurtzen.

2021.05.17

BIHAR Piztu Jakinmina Topaketa gaur hasi da. Otsailean aurkeztuteko BIHAR endekalogoan biltzen diren 11 oinarrien bueltan gogoeta egitea da topaketen helburua, "egiten dugunaren inguruan gogoeta egin eta biharkoari begira oinarri bakoitzaren inguruko ekarpenak jasotzeko". Bide honi ekiteko "Euskal Curriculumetik eraikia" oinarriari heldu zaio. Jarraitu irakurtzen.

2021.05.13

Kikarakadak proiektua gertutik ezagutu eta errefuxiatuen kanpamenduetan haurrak nola bizi diren bertatik bertara ezagutzeko, proiektuaren arduradun diren Galder Izagirrek eta Oraitz Garciak solasaldia egin dute Zubimusuko ikasleekin. Bideoa ikusi.

2021.05.10

KIKARAKADA Astea ospatuko dugu gaurtik ostiralera bitartean Zubimusu Ikastolan. Mahi-Mahi-k egindako proposamenarekin bat eginez, Lesbos uharteko kanpamenduetan bizi diren haurrei lagunduko diegu. Jarraitu irakurtzen.

2021.04.30

Aurten ez da Kilometroetako arropa salmenta fisikorik egingo. Salmenta 15 eguneko kanpaina batera mugatuko da: apirilaren 28tik maiatzaren 10era. Kilometroetako online dendan egin ahal izango da erosketa, www.kilometroak.eus helbidean, eta norberak bere ikastolan jasoko du egin duen eskaera maiatzen amaiera aldera (ez da etxera bidaliko). Jarraitu irakurtzen

2021.04.26

Martxan dago aurten ere TANTA ekimena, Euskal Herriko ikastolen proiektuaren alde ekarpena egiteko egitasmoa. Zubimusuko familia eta langile bakoitzak TANTA-ren 5 txartel jasoko dituzue, ekainaren 25era bitartean saltzeko. Jarraitu irakurtzen.

2021.04.25

Filma grabatu ahal izateko beharrezko aurrekontua lortzeko, filma ikusi ahal izateko sarreren aurre salmenta egiten ari dira. Hala, 10 euroren truke, filma estreinatzen denerako sarrera eskuratu ahal izango duzu. Helburua 300.000 euro lortzea da, eta horretarako, jendartearen laguntza ezinbestekoa izango da. Ikastolako dazkaritzan eskuratu ditzakezu sarrerak. Jarraitu irakurtzen.

2021.04.15

Aurtengo udan Zubimusu Ikastolak berriro antolatuko ditu Enjoy English ingeles udalekuak. Ekainaren 21etik uztailaren 23a bitarte eskainiko dira, 09:30etik 13:30era, eta HH-ko 5. mailatik hasi (2015) LH-ko 6. mailara arteko (2009) ikasleentzat. Informazio gehiago.

Orriak